Хатаасан чангаанз жимсний тухай
Хатаасан чангаанз нь А аминдэм, бета-каротин, В2 витамин, Е витамин, РР витамин, кали, кальци, цахиур, магни, фосфор, төмөр, кобальт, манган, зэс, молибден зэрэг амин дэм, эрдэс бодисоор баялаг юм.
- · Калорийн хэмжээ 232 грамм тутамд 100 ккал байна
- · Уураг 5.2 гр
- · Өөх тос 0.3 гр
- · Нүүрс ус 51 гр
- · Хүнсний эслэг 18 гр
- · Ус 20 гр
Хатаасан чангаанз нь хамгийн эрүүл хатаасан жимснүүдийн нэг гэгддэг бөгөөд бие махбод ясыг бэхжүүлж, дархлааг дэмждэг эрч хүчийг нэмэгдүүлж, илүүдэл шингэнийг арилгаж, биеийн өөхийг шатаахад тусалдаг. Энэхүү хатаасан жимс нь цус багадалт, зүрхний өвчнөөс урьдчилан сэргийлж, тайвшруулж, холын харааг сайжруулдаг. Мөн бие махбод дахь ясыг бэхжүүлж, дархлааг дэмждэг тул хатаасан чангаанз нь бидний хоолонд зайлшгүй шаардлагатай байдаг.
Хатаасан чангаанз нь маш их кали агуулдаг тул зүрх судасны системд сайнаар нөлөөлдөг бөгөөд зүрхний шигдээс, цус харвалтын дараа идэхийг зөвлөдөг.
Эрүүл сайн чанарын хатаасан чангаанз нь байгалийн өнгөтэй, хэт тунгалаг биш байдаг ба дунд зэргийн хатуудуу уян хатан байдаг. Хэрэв хатаасан чангаанз хэт тод өнгөтэй, дур булаам улбар шар өнгөтэй байвал энэ нь бүтээгдэхүүний гадаад төрхийг сайжруулдаг химийн бодистой байх магадлалтай юм.
Хатаасан чангаанзыг үндсэн хоолоор биш хөнгөн зуушаар идэх нь хамгийн тохиромжтой. Энэ тохиолдолд микроэлементүүд илүү сайн шингээнэ. Хатаасан жимсийг идэхээсээ өмнө арван минутын турш бүлээн усанд байлган цэвэрлэж хэрэглэвэл зүгээр.
Чангаанзыг өглөө идвэл бодисын солилцоог сайжруулж, хоол шингээх үйл явцад ходоодыг бэлддэг. Оройн цагаар үйлчилгээ нь эсрэгээрээ болж, гэдэс хий дүүргэх, хоол шингээлтийг саармагжуулна.
Хатаалтын явцад чангаанзны эслэгийн хэмжээ нэмэгддэг тул нэг дор их хэмжээгээр идэх хэрэггүй. Суулгалт үүсгэж болзошгүй юм.
Хатаасан чангаанзыг нарны шууд тусгалаас хол, тагтай шилэн саванд хадгалах хэрэгтэй.