МАКАДАМА самарны тухай

"Та үүнийг мэдэхүү"

Бид самарнуудын талаарх сонирхолтой мэдээллүүдийг цувралаар хүргэж байгаа билээ. Энэ удаад Макадама самарны талаар товч танилцуулья.

Австралид ургадаг дэлхийн хамгийн үнэтэй самар бол Макадама самар юм. Энэхүү самарт арьс, үсэнд онцгой ач тустай В, Е болон РР бүлгийн амин дэм, эрдэс бодис (кальци, селен, зэс, фосфор, цайр, кали, натри), байгалийн гаралтай хүчил болон тос ихээр агуулагддаг.

Макадама самар (лат. Macadamia)-ын төрөл зүйл нь дэлхийн цөөн хэдэн газарт ургадаг Протеан ургамлын гэр бүлд багтдаг. Ердөө ес орчим төрлийн макадама самрыг идэж, мөн эмийн болон эмчилгээний зориулалтаар ашигладаг.

9 төрлийн макадама самрын 5 нь зөвхөн Австралийн хөрсөн дээр ургадаг бөгөөд ургамлын үлдсэн сортыг Бразил, АНУ (Калифорния), Хавай, түүнчлэн Өмнөд Африкийн бүс нутагт тариалдаг байна.

Уг самрыг системтэйгээр хоол хүнсэндээ хэрэглэвэл биеийн хүчийг нэмэгдүүлэх, толгойн өвчин дарах, арьсны өвчнийг анагаах буюу арьсны хуурайшилтыг багасгаж өнгийг сэргээхэд сайнаар нөлөөлнө. Мөн хоолойн өвчин, менингит, артроз өвчнийг анагаах увдистай.

Самрын найрлага дахь омега-3 нь цусан дахь холестерины хэмжээг бууруулдаг бөгөөд энэ нь зүрх судасны өвчнөөс урьдчилан сэргийлдэг.

Хоол тэжээлийн мэргэжилтнүүд турах зорилгоор нэг хоолыг цөөхөн макадамагаар солихыг зөвлөж байгаа нь алга болсон энергийг нөхөж, хоолны дуршил бууруулахад болно.

Макадама дахь их хэмжээний кальци нь үе мөч, ясны өвчнөөс урьдчилан сэргийлэх арга хэмжээ болдог.

Энэ самар нь хамгийн тэжээллэг чанартай тул өдөрт идэх хамгийн дээд хэмжээ нь жижигхэн атга юм. Харшилтай хүмүүс, хүүхэд түүнчлэн хөхүүл эмэгтэйчүүдэд хариу урвал үзүүлэхгүйн тулд макадамаг болгоомжтой хэрэглэх хэрэгтэй. Ходоод, гэдэс, нойр булчирхай, элэгний цочмог үе шатанд макадама самар идэхийг зөвлөдөггүй.