ГЭРИЙН НӨХЦӨЛД БҮЙЛСНИЙ(АЛМОНД) СҮҮ ХИЙХ ЭНГИЙН ЖОР

Үндсэн орц, найрлага:

• 1 аяга бүйлс (түүхий буюу хуураагүй)

• 4 аяга шүүсэн буюу цэвэр ус

Нэмэлтээр хийж болно:

• 1 чимх далайн давс (сонголтоор)

• 1 халбага ванила (сонголтоор)

• 2 ш ясгүй хасарваань (сонголтоор)

Заавар:

Гэртээ бүйлсний сүү хийх нь амархан бөгөөд Танд хэрэгтэй зүйл бол холигч буюу блиндер, ус, түүхий бүйлс.

1. Эхлээд бүйлсээ зөөлрүүлнэ. Үүний тулд 1 аяга бүйлс дээрээ 2 аяга ус хийж 1-2 цаг дэвтээгээд усаа асгана.

2. Бүйлсээ блиндерт хийж дээр нь 4 аяга шүүсэн буюу цэвэршүүлсэн усаа хийнэ. Илүү амттай болгох үүднээс нэмэлт орцуудаа нэмж хийж болно.

3. Бүх орцоо хийж дуусаад нэгэн жигд болтол сайн холино.

4. Төгсгөлд нь хольцоо сүүний шүүлтүүрээр шүүнэ.

Хадгалалт:

Бэлэн болсон сүүгээ шууд хэрэглэх ба 4 хүртэл хоног хөргөгчинд хадгалж болно. (Шаардлагатай бол сүүг 3 сар хүртэл хугацаагаар хөлдөөж болно.)

Хэрэглээ:

Ердийн сүү шиг олон зүйлд бүйлсний сүүг ашиглаж болно.

• Энгийн сүүний оронд үр тариа, овьёосонд хийх

• Кофе эсвэл цайнд нэмж хийх

• Смүүти хийхдээ хэрэглэх

• Зайрмаг зэрэг хийхэд хэрэглэх.

• Олон төрлийн хоолонд сүү орлуулагч болгон ашиглах.

Ашиг тус:

• Бүйлсний сүү ургамлын гаралтай сүүн бүтээгдэхүүн ба илчлэг багатай ч кальци, Д аминдэм, Е витамин, А аминдэм зэрэг олон чухал тэжээлийг агуулдаг.

• Бүйлсний сүү арьс, зүрхний эрүүл мэнд, жин хасах, ясны эрүүл мэнд, тархины үйл ажиллагаа зэрэг олон зүйлд ашиг тустай.

Анхаарах:

• Бүйлсний сүүг нэг нас хүрээгүй хүүхдүүд болон бүйлсний харшилтай хүмүүст хориглоно.

• Энэхүү ундааг хэтрүүлэн хэрэглэвэл булчирхайн үйл ажиллагаа өөрчлөгдөж, тасалдал үүсгэдэг тул Бамбай булчирхайтай хүмүүс анхаарах хэрэгтэй.

• Хэдийгээр энэ нь байгалийн ундаа боловч бид ямар ч хоолыг хэтрүүлэн хэрэглэх ёсгүй.