Какао шошны тухай

Какао шош гэж юу вэ?

Какао мод гэж нэрлэдэг Теоброма какао модноос гаргаж авсан шошноос какао шошыг гаргаж авдаг бөгөөд шоколадны байгалийн эх үүсвэр юм.

Ойролцоогоор 4000-5000 жилийн өмнө Ацтекүүд какао шош болон бусад орцуудыг хольж ундаа хийдэг байсан бөгөөд энэ ундаа нь өтгөрүүлсэн, гашуун амттай ба өнөөгийн шоколадтай ундааны өвөг дээдэс гэж үздэг байна.

3.000 жилийн өмнөөс какаог нунтаг хэлбэрээр нь Мексик, Төв Америк, Өмнөд Америкт хоол хүнс, эм тарианд ашигладаг байжээ.

Какао шошны тэжээллэг чанар

Какао шош нь гайхалтай тэжээллэг агууламжтай бөгөөд демир, магни, фосфор, цайр, манган зэрэг олон төрлийн эрдэс бодисоор баялаг, В витамин, Е витамин агуулдаг. 28 грамм какао шошны шим тэжээлийн үзүүлэлт дараах байдалтай байна. 

•     Калори: 175

•     Уураг: 3 грамм

•     Өөх тос: 15 грамм

•     Эслэг: 5 грамм

•     Элсэн чихэр: 1 грамм

•     Төмөр: Өдөр тутмын хэрэглээний 6% (RDI)

•     Магни: RDI-ийн 16%

•     Фосфор: RDI-ийн 9%

•     Цайр: RDI-ийн 6%

•     Манган: RDI-ийн 27%

•     Зэс: RDI-ийн 25%

Шоколадтай бүтээгдэхүүнээс бага элсэн чихэр агуулдаг какао шош нь эслэг, уураг, эрүүл өөх тосны сайн эх үүсвэр юм. 

Какао шошны ашиг тус

Эрүүл мэндэд тустай олон төрлийн флавоноид, антиоксидант зэрэг ургамлын хүчирхэг нэгдлүүдийг агуулдаг.

•     Антиоксидант нь эсийг чөлөөт радикалуудаас хамгаалдаг. (чөлөөт радикалууд нь исэлдэлтийн стресс үүсгэж, олон архаг өвчнийг үүсгэдэг.) 

•     Флавоноидоор баялаг хоол хүнс хэрэглэдэг хүмүүсийн зүрхний өвчин, зарим хорт хавдар, сэтгэцийн бууралт бага байдаг нь судалгаагаар тогтоогджээ.

•     Антиоксидант ихтэй какао шош болон бусад какао бүтээгдэхүүн нь хүчтэй үрэвслийн эсрэг шинж чанартай байдаг.

•     Үрэвслийн эсрэг болон антиоксидант шинж чанар нь дархлааг сайжруулахад эерэг нөлөө үзүүлдэг. Какао флавоноид нь ерөнхий дархлааны хариу урвалыг сайжруулснаар үрэвслийг бууруулдаг.

•     Какао хэрэглэх нь цусан дахь сахарын хэмжээг хянах асуудалтай хүмүүст ашигтай байдаг. Судалгаагаар какао нь цусан дахь сахарын эсийг шингээх даавар болох инсулинд мэдрэмтгий байдлыг сайжруулдаг болохыг харуулсан.

•     Какао полифенол нь зүрхний эрүүл мэндэд олон талаараа тустай. Учир нь цусны даралт ихсэх мөн холестерин зэрэг зүрхний өвчний эрсдэлт хүчин зүйлсийг бууруулдаг.

•     Какао шош нь хорт хавдрын эсрэг үйлчилгээтэй, төвлөрсөн хүчтэй антиоксидант агуулдаг ба антиоксидантууд нь үрэвслийг намдааж, хорт хавдрын эсүүд тархахаас сэргийлж, эдгээр эсийн үхэлд хүргэдэг.

•     Магнигаар баялаг бөгөөд зүрхний хэмнэлийг тогтмол байлгаж, булчингийн бүтэц, мэдрэлийн үйл ажиллагааг сайжруулдаг.

•     Какао шошд их хэмжээгээр агуулагддаг төмөр цус багадалтаас сэргийлдэг.

•     Какао шош нь серотонин даавар ялгаруулахад тархийг чиглүүлдэг. Иймээс шоколад эсвэл какао шошыг бид идэх үедээ аз жаргалыг мэдэрдэг. Мөн "аз жаргалын молекул" гэгддэг анандамид, амин хүчил, фенилэтиламин нэгдлийг агуулдаг. Фенетиламин нь тархинд эндорфин болон бусад сайн мэдрэмж төрүүлдэг химийн бодисуудыг ялгаруулдаг. Эдгээр тархины химийн бодисууд нь эмэгтэй хүний сарын тэмдгийн мөчлөгийг оролцуулаад сэтгэлийн хөдөлгөөнийг сайжруулдаг.

•     Какао шошд агуулагдах флавоноид зэрэг янз бүрийн нэгдлүүд нь тархины цусны урсгалыг нэмэгдүүлж, ой санамж, хариу үйлдэл үзүүлэх хугацаа, асуудлыг шийдвэрлэх, анхаарал төвлөрүүлэх чадварыг сайжруулдаг. Энэхүү цусны урсгал нь нас ахих тусам Альцгеймер болон сэтгэцийн эмгэгийн эрсдлийг бууруулдаг.

Какаоны шош ямар сөрөг нөлөө

Какао шош идэх аюулгүй хэдий ч бага зэрэг сөрөг нөлөөг анхаарах хэрэгтэй.

•     Какао шош нь өдөөгч бодис болох кофеин, теобромин агуулдаг. Хэдийгээр эдгээр нэгдлүүд нь эрүүл мэндэд тустай боловч хэтрүүлэн хэрэглэвэл эсрэгээр нөлөөлдөг. Какао шошыг хэт их идэх нь кофейн хэтрүүлэн хэрэглэхтэй холбоотой сэтгэлийн түгшүүр, чичиргээ, нойргүйдэл зэрэг гаж нөлөөг үүсгэдэг.

•     Хүүхэд, жирэмсэн болон хөхүүл эмэгтэйчүүд, кофеин зэрэг өдөөгч бодисын нөлөөнд илүү өртөмтгий байдаг.

•     Нэмж дурдахад какаоны антиоксидант нь ургийн артериоз гэж нэрлэгддэг цусны судсанд хязгаарлагдмал нөлөө үзүүлдэг тул жирэмсний хожуу үе шатанд жирэмсэн эмэгтэйчүүд энэ асуудалд болгоомжтой хандах хэрэгтэй.

•     Эцэст нь, хэрэв та шоколаданд харшилтай бол какао шош идэж болохгүй.

Какао шошны хэрэглээ

•     Смүүти гэх мэт ундаандаа нэмнэ.

•     Бялуу, талх зэрэг нарийн боов зэрэг бүтээгдэхүүний орцонд нэмж хэрэглэнэ.

•     Өглөөний хоол овъёосондоо нэмж хэрэглэнэ.

•     Самар, хатаасан жимстэй хольж зууш болгоно.

•     Латте, капучино зэрэг кофены ундаанд дээрээ нэмж хэрэглэнэ.

•     Халуун шоколад эсвэл сүү дээрээ нэмж хутган ууна.

•     Шоколадны бөмбөгөнд хийнэ.

Эх сурвалж: https://healthy-food-near-me.com/